Aktorja me famë botërore, Jessica Alba, thotë se fitnesi ia shpif pavarësisht se i ka ndihmuar të bëjë trup të mrekullueshëm.
34-vjeçarja ka treguar për revistën “Shape” se gjen kohë për ushtrime edhe pse është vazhdimisht e ngarkuar me përkujdesjen ndaj fëmijëve, me incizime të filmave dhe udhëheqjen e kompanisë së saj “Honest”.
Edhe pse thotë se fitnesi nuk i pëlqen, aktorja, nënë e dy fëmijëve, nuk ka përtuar të tregojë linjat seksi në disa fotografi me bikini.
“Nuk do të gënjej. Ushtrimet ta shpifin. Më duhet të djersitem shumë ose ndihem sikur s’kam bërë asgjë. Kur i kam veç 30 minuta bëj lloj-lloj ushtrime”, ka thënë aktorja e njohur.
“Ia atribuoj trupin tim arteve luftarake, gjimnastikës, vallëzimit dhe ushtrimeve të forta që i bëra gjatë incizimeve të “Dark Angel”. Kjo më ka bërë më të fortë dhe të ndihem më mirë”, ka thënë ajo.
